الأربعاء، 28 أبريل 2010

الحلم باقي

ضاع اللي ضاع منِكْ
والحلم باقي لم يزلْ ..
حرقوا عيدان قُطنِكْ
بس الأمل خيطْ ما انغزلْ ..
وان شوهوا حُسنِكْ
برضُو وجبْ فيكي الغزلْ ..
ده اللي افترش حضنِكْ
واتغطى بإديكي ..
مهما بعدْ عنِكْ
لازم يعود ليكي ..
يقعُدْ على جفنِك
يتوضا ف عنيكي ..
أُمُه وهو ابنِكْ
ازاي يوفيكي ..
مهما عملْ .. ولا بذلْ
ما انتي بتدي من الأزلْ
لا يوم عاتبتي ابن خابْ
ولا يوم زعلتي من اللي غابْ
ولا يوم حرمتي اللي اعتزلْ
--------
هيثم مكارم

هناك 21 تعليقًا:

واحده وحيده يقول...

لو قلت روعه ...

ينفع؟؟
:)

واحده وحيده يقول...

أحييك

مش على حبك للبلد دى
لأ
على قرارك

بالكتابه

ربنا يكرمك
و جميله هاتبقى الفتره دى بإذن الله صدقنى

ثم

بالنسبه لحبك للبلد دى .. ف بجد .. يخلى أى حد يحبها أكتر

sweet angel يقول...

جميل كالعاده

Lobna Ahmed Nour يقول...

سلم قلمك :)

r يقول...

هو فعلا خيط الامل انغزل
بس للاسف طلع نزل خيط
وسهل جدا ينقطع
يعنى هى حرمتنا أكيد على الاقل من شعورنا بالعدل والمساواه
مش هقول الخير وبس
وكل ابن عاق انجبته وافسد باقى الابناء
فصرنا نحن الغرباء عليها
انا لسه مخلصه مقالات فى الدستور الاسبوعى بتاع امبارح عن دراسه لدكتور فى خصصه الفساد فى مصر
ياريت تقراها علشان تتأكد انت عايش وسط مين فعلا

معلش تشاؤم وسط الجو المتفاءل لنصك الجميل بس مش قادره اقول غير الحقيقه
بالنسبه لى كل ما اشوف حسنه وسط مستنقع سيئات

دمت بكل الخير

عمرو (مواطن مصرى)0 يقول...

جميل مسحة شجن المجروح
وجميل رقى العامية الملتف بوقار الفصحى.
أشعر بخلط بكائها وبكائك.. أشعر بجمالها عن حق..
برضه وجب فيكى الغزل.. تحدى العاشق النازف بجرحه.
سَلِمَ خيالك
تحياتى

شيماء زايد يقول...

فعلا مبقاش غير الحلم

بس للاسف اصبح اشد ارتباطا بالكوابيس :)

سلمت كلماتك الصادقه

سقراط مصر يقول...

تحيا مصر يا دكتور وتحيا قلمك البارع
وحلمي باقي بان يغني حسن شحاته اشعارك هذه على عوده الجميل

هيثم مكارم يقول...

وحيدة
-----
لو قلتِ روعة تبي بتجامليني ..

كفاية علي معقول

___________

الكتابة يا أختي ليست قراراً ، ولو كانت كذلك لما توقفت عنها يوماً.

أنا أيضاً متفائل بالفترة المقبلة بدون أسباب.

ع الهامش
-------
أعياني مكتوبك حتى استحال علي الوصول إلى كلماتك ، فرجاءً من عاشقٍ لحرفك أن تنسخي إدراجاتك من مكتوب إلى صفحة البلوجسبوت.

أيامك كلها بهية بإذن الله

هيثم مكارم يقول...

sweet angel
------------

جميلٌ مرورك بنيتي


unique
-------

سلمتِ وسلمت مصر من كل سوء

هيثم مكارم يقول...

بسنت
-----

يكفيني ويكفيها حلمٌ وأمل

فما قيمة العمل دون حلم أو رجاء

-ما ذكرتيه وأكثر أعلمه وأُعاينه ، ولكني أراهن على الحسنة التي تقبع في قاع المستنقع ، وأستبشر بنقطةٍ واحدة بيضاء في ذلك الثوب الأسود ...
تفاؤلٌ غير مبرر

دمتِ بخير

هيثم مكارم يقول...

عمرو
-----

تستأهل منا ذلك وأكثر ، يبقى العيب فينا ولا شك ، ولذلك وجب الغزل فيها.

دام مرورك صديقي



شيماء زايد
-----------

الواقع كالكوابيس ، أما الحلم سيظل صورة نتمنى أن نحياها ، وسنحياها بإذن الله.

شكراً لك يا أستاذة

هيثم مكارم يقول...

سقراط
------

أتمنى بالفعل يا أحمد ، وبحضورك إن شاء الله سيكون لي مع حسن لقاء ... تذكر

Lyssandra يقول...

جميل جداً يا هيثم

ياريت تواصل وبلاش تتأخر كتير كده
وآسفة أنا للتأخير

:)
تحياتي
Lyssa

تايه في وسط البلد يقول...

عمي

درة فصيحة وجميلة تذكرني بروائع فؤاد حداد

سلمت الايادي يا دكتور هيثم واحييك علي صدق احساسك

اسامة يس يقول...

دافئ هو شعوركم.. متدفق..
يرسم حنينا جارفاً.. يعزف على أوتار الشجن...

دمت مبدعاً
خالص تحياتي

promise is promise يقول...

الحلم باقى لم يزل ؟؟

وانا كذلك ورغم كم السواد الذى يغلف عالما الا انى مازلت ارى من بعيد شعاع امل يصارع الموت

تحياتى

Wish I were a Butterfly ... يقول...

تحفة

ماشاءالله

دي أول كلمة قلتها بعد ما خلصت قراءة :). بجد جميل الأسلوب و اللغة السهلة اللي في نفس الوقت شكلها راقي دي

بقالي كتيــــر جدا مش جيت هنا. بس سعيدة إني لقيت البوست دة

هيثم مكارم يقول...

lyssandra
-----------
أهلا ومرحبا والتمسي لي عذرا لتأخري كما ألتمس لك العذر

دمت بخير


تايه
-----
أشكرك لرقيق مجاملتك ولرائع تواجدك


أسامة
------
ثناءٌ لا أستحقه ، ومرورٌ أتمنى دوامه
شكراً جزيلاً

promise
--------
وسيصرع الموت إن شاء الله

فراشة
------
افتقدت المدونة مرورك أختي الكريمة.
شكراً لثناءك ولا تحرمينا مرورك الكريم

hend anwar يقول...

روعة الكلمات تسلم

اخبار سيارات يقول...



thank you

اخبار السيارات