الثلاثاء، 30 مارس، 2010

في النفاق

أحمل صخور الهرم فوق ضهري للشلال
وانقل مياه المحيط للبر بالغربال
واجمع براغيت في ليلة ملو ألف شوال
ولا اقول للحرامي البلطجي يا شريف
ولا اقول للمخنث في الغنا يا ظريف
وبعض أهوال تتفضل على أهوال
***
وآكل حدود الشجر في الطقة ميت قنطار
واشرب ورا كل طقة ميت طن مية نار
واجعل فراشي وغطايا غابة من صبار
أهون على النفس من وقفة في يوم الضنك
على مدير بنك يوهب كل ما في البنك
ده العز والجاه بيتبهدل بنص فرنك
والشرك بالله متسجل بنص ريال
***
عجبي على ناس يعيشوا في النفاق والزور
ويمسحوا الجوخ للمنفوخ والمغرور
ويوهبوا الروح لمجرم من بتوع الطور
علشان ما ياكلوا غداهم في طبق بنور
قيمة الهنا والغنا لو يطفحوا في ماجور
ولا يعيش الكريم عيشة سؤال في سؤال
وكارت من كان ندل يسعى به إلى أندال
***********
*هذه القصيدة من قصائد الرائع بيرم التونسي

هناك 4 تعليقات:

sweet angel يقول...

مقعدي المفضل
أول تعليق

sweet angel يقول...

أما اروح أقرأ وآجي
بس قبل ماقرأ
أنا هقولك انا زعلانة منكم
يعني طالما مش قادرين تاخدو بالكم مننا بتخلفونا ليه؟
قصدي بتتبنونا ليه؟

sweet angel يقول...

يسلم زوقك يادكتور

اخبار السيارات يقول...

thank you

اخبار السيارات